segunda-feira, 21 de dezembro de 2009

Compras de Nadal

Saio facer compras para o Nadal... os regalos e iso

de paso merco unha fita verde na mercería

e un parche de Hello Kitty para un buratiño do pantalón

da pequena

que xa non o é tanto e de volta dime que lle ven moi infantil

carallo, como pasan os anos, ao mellor prefería una caveira

ou unha bandeira de Xamaica.

Mi madrinha, tamén pasan os anos para min!

Merco libros, como sempre collo o que a min me gusta

asegurándome un éxito dubidoso...

de volta paro na cafetería das galerías

racho co menú habitual e pido unha copiña

para acompañar o caféconleite

que me axuda a falar un chisco coa camareira

quen por fin descobre que non ando ao mar

o certo é que o café agarrótame a língua

mentres que o Ponche Cuesta inclina varios graos

cara abaixo o plano da miña vida. Sen abusar, ben seguro

“non, traballo no findeano, no nadal non”

mágoa non seren mais que formalidades de taberneira

mentres lle dou un repaso rápido a El País.

Volto a casa cun par de bolsas na man

e unha absolución para a rapaza do terceiro

que pintou esta findesemana

un corazón no ascensor

6 comentários:

ekis1331 disse...

Por deus, pero qué vulgaridade! ;D

Anabela Magalhães disse...

Feliz Navidad, Galego!
Beijinho grande
Anabela

Raul Martins disse...

Querias que os anos não passassem por ti? Quem não queria!
.
E enquanto pintarem apenas corações!!!!
.
De mansinho deixar um abraço e desejar um Feliz Natal e um 2010 cheio de coisas boas.
.
Carpe diem!

rui disse...

Abraços, beijinhos e feliz Natal a todos!
Bo Nadal

paideleo disse...

Muito Ponche Cuesta bebín !.

rui disse...

Ben cho creo! Case xa non queda nada nos bares... Repetín a experiencia da copa de Ponche Cuesta duas veces máis esta semana, e nun sitio só tiñan para media copa, e no seguinte tomei unha enteira pero xa non había máis para unha segunda.

Acabaches con todo!

Saudos e bonadal, Paideleo!