domingo, 26 de abril de 2009

En cada obxecto

A cada paso nos chanzos

a cada golpe de cada un dos teus pes

nas escaleiras que te traen

chamas amodiño polo tempo

que quedara durmido,

vai acordando

e cando soa o timbre

da miña porta

baixa da cama, bótase a correr

e comezas na conta atrás

a escribir o teu nome

no vaso que bebes

na manta que retiras

na toalla que mollas

na silhueta que se agarra ao espello

como se vai apagando o eco

dos teus pasos

nas escaleiras que te levan

e o tempo bocexa

e se durme outra volta

tempo en coma

que me deixa o tempo

para a leitura das obras completas

do teu nome en cada obxecto

1 comentário:

Shucran disse...

Tes un pequeno "agasallo" no meu blogue.