domingo, 22 de junho de 2008

Taxis

Aquí os taxis non son exclusivos da primeira persoa que sobe, durante o traxecto van parando e recollendo xente, así ás veces o taxista trae un amigo no asento de diante e se considera normal o compartir desta maneira o transporte público. Eu tamén aceptei o sistema, e cando imos de camiño para casa recollemos outros clientes, afinal véxoo máis razonable, porque se todo o asento de atrás está baleiro é magoa non aproveitalo. E outra cousa é que se montas nun taxi que non leva a ninguén, tes que te pór no asento de diante (salvo se es muller), outra cousa sería anormal, mesmo de mala educación. Ben, así que tendo en conta o sistema de transporte en taxi, hoxe o Alí invitoume a traballar con el, non tiña nada que facer despóis das catro da tarde e andiven a dar voltas pola cidade de acompañante, levando xente a vilas dos arredores, e dun barrio a outro. Foi verdadeiramente relaxante, foi unha desconxestión para os problemas de burocracia e organización que últimamente me minan máis do debido. E así fomos até Reghaia, El-Biar, Didouche Mourad, Ruisseau, Sidi Fredj, Ben Aknoun; ah, tamén fixemos unha paradiña en Hydra, na miña casa, onde Alí e máis eu tomamos un par de cervexas, que con esta calor húmida sentaron de marabilla. Porque en Orán tes bares dabondo para tomar un trago haram, pero en Arxel... ben, aquí xa é máis difícil.

2 comentários:

Anabela Magalhães disse...

Mas onde é que eu já vi este filme dos táxis? :)
A primeira vez que tomei contacto com a situação estranhei. Hoje confesso que entranhei.
E penso que nós aqui, neste nosso mundo dito "evoluído", melhor seria se fizessemos o mesmo. É que sempre pouparíamos recursos que se tornam cada vez mais escassos à medida que mais gente chega, e bem, a patamares de conforto aceitáveis.

zeltia disse...

Eu tamén vexo moi ben iso dos taxis!

(e curiosa maneira de pasar a tarde, un bo xeito de asegurarse de coñecer ben a cidade)